Fyrirtækjastyrkir

Vertu með - saman náum við árangri!

Ekkert nema ímyndunaraflið getur takmarkað það sem fyrirtæki geta gert til að taka þátt í Bleikum október og vekja þannig athygli á átakinu Bleiku slaufunni. Söfnunarfé fjármagnar vísindastarf, fræðslu, forvarnir og ókeypis ráðgjöf og stuðning til krabbameinsgreindra og aðstandenda.

Við fögnum öllum stuðningi við málstaðinn og óskum eftir að fyrirtæki láti okkur vita með tölvupósti á bleikaslaufan@krabb.is til þess að við getum skráð framlag þeirra. Þau fyrirtæki sem vilja merkja vörur sínar með Bleiku slaufunni geta gert einfaldan samning um notkun vörumerkisins með því að hafa samband við fjáröflunardeild á sama netfangi.

Í bleikum október geta fyrirtæki verið með í að veita viðskiptavinum sínum upplifun eða veitt þeim tækifæri til að styðja við Bleika slaufuna með kaup á vörum sem fyrirtækið selur með því að láta ákveðna upphæð af hverri seldri vöru til Bleiku slaufu verkefnisins. 

Samkvæmt könnun sem MASKÍNA gerði fyrir Krabbameinsfélagið vorið 2019 eru 75% þeirra sem svöruðu líklegri til að kaupa vöru þar sem hluti af söluandvirðinu rennur til Bleiku slaufunnar ef um er að ræða val á milli tveggja sambærilegra vara á sambærilegu verði.

Í sömu könnun var spurt um traust til Krabbameinsfélagsins og svöruðu 90% aðspurðra að þau bæru traust til félagsins.

Einn af hverjum þremur getur átt von á að greinast með krabbamein á ævinni. Þorri almennings þekkir þess vegna því miður alltof vel glímuna við krabbamein. Þess vegna viljum við bjóða sem flestum að sýna stuðning sinn og styrkja átakið með fjölbreyttum hætti, til dæmis í samstarfi við fyrirtækin í landinu. Þannig safnast margt saman og við getum fjármagnað mikilvæg verkefni og þjónustu fyrir þá sem þurfa á því að halda. 

Bleiki mánuðurinn er kjörið tækifæri til að fá jákvæða athygli og láta gott af sér leiða í leiðinni fyrir fyrirtæki í landinu. Í bleikum október og á Bleika deginum sem verður haldinn föstudaginn 11. október 2019 eru möguleikarnir á viðburðum óendanlegir. Hér eru nokkrar hugmyndir:

Selja valdar vörur eða þjónustu

JogurtFyrirtæki geta valið að selja ákveðna vöru/r eða þjónustu og gefið hluta af veltu eða ágóða til Bleiku slaufunnar. Þetta geta verið vörur eða þjónusta sem eru þegar til staðar eða einhver nýjung. Mörg fyrirtæki gera samstarfssamninga við Krabbameinsfélagið í Bleiku slaufunni á hverju ári. Sem dæmi um fyrirtæki sem starfa með félaginu eru Hunt's, Max1, Bláa Lónið, Heilsa, Penninn ofl.

Gefið hluta af veltu dagsins til átaksins

PinkhjartaFyrirtæki og félög geta valið að gefa hluta af veltu Bleika dagsins (föstudaginn 11. október) eða Bleika mánaðarins (allur október) til átaksins. Ef ykkur langar að vera með skemmtilegan viðburð, hafðu samband við Kynningar-og fjáröflunardeild Krabbameinsfélagsins á netfangið bleikaslaufan@krabb.is eða í síma 540 1900.

Gefið fasta upphæð fyrir hverja afgreiðslu eða ferð

Stakt-framlagFyrirtækið gæti gefið fasta upphæð fyrir hverja færslu, afgreiðslu eða hverja ferð. 

Bleikt boð eða viðburður

Fyrirtæki geta skipulagt bleikan viðburð til styrktar Bleiku slaufunni. Sem dæmi má nefna; bleik tískusýning, tónleikar, gönguferð, hjólatúr, partý eða íþróttatími. Fyrirtæki bjóða viðskiptavinum að njóta viðburðsins en framlög viðskiptavina renna til Bleiku slaufunnar. Starfsmannafélög geta einnig lagt sitt af mörkum með því að halda t.d. kökubasar eða uppboð.

Veitingastaðir og kaffihús

HnifaporFyrirtæki sem selja veitingar gætu boðið upp á bleikan matseðil þar sem föst upphæð rennur til Bleiku slaufunnar. Veitingastaðir og kaffihús geta einnig haldið Bleika daginn hátíðlegan með því að láta hluta af veltu renna til Bleiku slaufunnar.

Skreyta fyrirtækið bleikt

BlodrurFyrirtæki geta vakið athygli á átakinu með því að skreyta fyrirtækið með flöggum, blöðrum og borðum merktu bleiku slaufunni. 

Stakt framlag

Fyrirtæki geta styrkt með stöku framlagi. Allar nánari upplýsingar er að finna hér.  

Með hvaða hætti hafa fyrirtæki styrkt í gegnum árin?

  • Hjúkrunarfræðinemar seldu bleik hárbönd og gáfu hluta söluandvirðisins
  • Bland.is var með uppboð og gaf alla upphæðina sem safnaðist
  • Bláa Lónið seldi húðsnyrtivöru í bleikum umbúðum og gaf 20% af andvirði vörunnar
  • Heilsa ehf. seldi þrjú vítamín í bleikum umbúðum og gaf 200 kr. af hverju seldu glasi
  • Orkan styrkti með sölu á bleikum Orkulykli
  • Lindex seldi bleik armbönd og gaf ágóðann
  • Penninn seldi bleika penna og gaf hluta af andvirðinu
  • A4 styrkti með sölu bleikra vara í október og gaf hluta af söluandvirðinu
  • 66 norður seldi bleikar prjónahúfur og gaf 500 kr. af hverri seldri húfu
  • MAX1 bílavaktin gaf ágóða af sölu Nokian Tyres dekkja
  • Kynnisferðir merkti rútur og styrkti átakið með fjárgjöf í enda októbermánaðar
  • Icepharma gaf hluta af söluandvirði bleiku Apótekaralínunnar (húðvörur)
  • Innnes gaf hluta af hverri seldri Hunts tómatvöru
  • CU2 gaf 200 kr. af hverri seldri bleikri Lee Staffhord hárvöru og vöru í Nanogen línunni
  • Papco gaf 30 kr. af hverri seldri bleikum rúllum af klósettpappír
  • Tupperware seldi bleikar sleifar og ausur og gaf hluta af söluandvirðinu
  • Enjo seldi bleika andlits-og líkamsklúta og gaf 14% af andvirðinu
  • Íþróttafélagið Valur gaf allan ágóða af bleikum vöfflubakstri fyrir leik
  • Zumbakennarar héldu zumbapartý og gáfu allan aðgangseyri
  • Mörg fyrirtæki hafa lýst upp sín fyrirtæki í bleika litnum.

Upptalningin hér að ofan er bara hluti af því sem fyrirtæki og fleiri hafa gert til að styðja við Bleiku slaufuna síðustu ár.