Viltu hitta einhvern sem er í svipuðum sporum og þú?

Allnokkrir stuðningshópar eru til staðar fyrir þá sem hafa misst ástvini. Við getum hjálpað þér að finna hóp sem hentar þér. Hafðu í huga að þeim sem taka þátt í stuðningshópum líður oft betur og upplifa aukin lífsgæði. 

Krabbameinsfélagið, Sorgarmiðstöðin og Ný dögun bjóða upp á stuðningshópa fyrir þá sem hafa misst maka úr krabbameini. Fjallað er um ýmislegt sem tengist líðan í sorg og um þá miklu breytingu sem oft verður á lífinu í kjölfar makamissis. Tilgangurinn er að fólk finni stuðning og styrk í því að deila með hvort öðru upplifun sinni.

Hafðu samband í síma 800 4040 eða á netfangið radgjof@krabb.is ef þú vilt skrá þig í stuðningshóp.

• Ný dögun - samtök um sorg og sorgarviðbrögð. Samtökin veita stuðning við þá sem eiga um sárt að binda vegna ástvinamissis ásamt því að sinna almennri fræðslu um sorg og sorgarviðbrögð. Fjölmargir stuðningshópar eru starfandi innan samtakanna  
• Sorgarmiðstöðin - Félag sem styður við syrgjendur, er öllum opið. Stuðningur, ráðgjöf, upplýsingaþjónusta, fræðsla. 
• Ljónshjarta eru samtök til stuðnings yngra fólki (20-50 ára) sem misst hefur maka og börnum þeirra.  
• Stuðningsnet Ráðgjafarþjónustunnar og Krafts  
• Stuðningshópar Krabbameinsfélagsins

Krabbameinsfélög og þjónustuskrifstofur á landsbyggðinni:

• Þjónustuskrifstofur
• Aðildarfélög