Birna Þórisdóttir 8. október 2018

Gallerí Skúmaskot styður Bleiku slaufuna

Með fjölbreyttu og vönduðu listhandverki

Gallerí Skúmaskot, Skólavörðustíg 21a, leggur Krabbameinsfélaginu og átaki Bleiku slaufunnar lið í október 2018 með því að láta allt söluverð valdra vara renna til átaksins. Meðal annars er um að ræða akrýl myndir og ljósmyndir, skartgripi, skálar, töskur, púða og flíkur á börn og fullorðna. 

Bleika slaufan er tákn Krabbameinsfélagsins í baráttunni gegn krabbameini hjá konum. Gallerí Skúmaskot hefur skuldbundið sig til að leggja þeirri baráttu lið. Krabbameinsfélagið þakkar kærlega stuðninginn.