Sigriður Sólan Guðlaugsdóttir 31. október 2019

Dregið í Vinkonuklúbbi Krabbameinsfélagsins

  • Halla Þorvaldsdóttir, framkvæmdastjóri, tilkynnti um vinninginn, en Misty Austfjörð dró út verðlaunahafann.

Í dag hlaut ein heppin vinkona veglegan vinning frá Bláa Lóninu fyrir sex. Sú heppna er Bergljót Inga Kvaran.

Fegurðardrottningin Misty Austfjord dró í verðlaunapotti Vinklúbbsins og Halla Þorvaldsdóttir, framkvæmdastjóri Krabbameinsfélagsins, tilkynnti um hina heppnu vinkonu sem hlýtur dekur í Retreat Spa í Bláa Lóninu fyrir sex og óvissuferð á Lava Restaurant.

Alls skráðu 4.402 konur sig í  Vinkonuklúbb Krabbameinsfélagsins , en tilgangur hans er að fá konur til að gerast liðsmenn félagsins í baráttunni gegn krabbameinum og þiggja boð um hagnýtan fróðleik og upplýsingar um viðburði sem félagið hvetur þær til að deila með öðrum.

„Við óskum Bergjótu innilega til hamingju með vinninginn og þökkum henni, og öllum öðrum vinkonum sem skráðu sig í klúbbinn innilega fyrir þátttökuna. Það er einstaklega gleðilegt að sjá Vinkonuklúbburinn stækka frá því í fyrra,“ segir Halla, en alls skráðu 4.402 konur sig tí klúbbinn í ár og á síðasta ári skráðu rúmlega þrjú þúsund vinkonuhópar sig til leiks.

„Og þótt það sé búið að draga í vinkonuleiknum, er enn er hægt að skrá sig í klúbbinn,“ segir Halla.

Í Vinkonuklúbbi Krabbameinsfélagsins í ár er lögð áhersla á að stuðningur skipti máli, enda eru einkennisorð Bleiku slaufunnar í ár „Mundu að þú ert ekki ein.“