Svefn

Svefn hefur mikil áhrif á líkamlega og andlega heilsu okkar og þar með á lífsgæðin. Margir þættir geta haft áhrif á svefngæði og svefnlengd eins og of mikil tölvu- og snjallsímanotkun, annríki, streita og sjúkdómar. Hér koma nokkur ráð til að stuðla að bættum svefni.

Höldum rútínu

Reynum að fara í rúmið og vakna á svipuðum tíma á hverjum degi. Fyrir flesta fullorðna dugir að sofa í 7-8 tíma á sólahring. Ef það tekur langan tíma að sofna er hægt að lesa eða hlusta á róandi tónlist.

Höfum í huga hvað við drekkum og borðum 

Stórar máltíðir rétt fyrir háttatíma eða svengd geta haft áhrif á svefn. Gott er að fá sér t.d. ávöxt, brauð eða flóaða mjólk fyrir svefninn ef maður er svangur. Niktótín, koffín og áfengi geta truflað svefninn og best að forðast þessi efni m.a. til að tryggja betri svefn.

Sköpum góðar aðstæður til svefns

Hugum að þáttum eins og hitastigi og birtu (gluggatjöld) sem og hávaða (eins og hægt er) í svefnherberginu. Gott er að hafa í huga að birta frá tölvuskjá og símaskjá getur tafið fyrir myndun svefnhormónsins, melatóníns, og því mikilvægt að nota ekki slík tæki um það bil klukkutíma fyrir svefn. Slökun fyrir svefn svo sem að fara í heitt bað getur hjálpað til að sofna fyrr.

Forðumst að leggja okkur yfir daginn

Fyrir þá sem eru ekki í næturvinnu er best að reyna að forðast að leggja sig yfir daginn. Sé það gert er best að sofa ekki lengi og ekki seinnipart dagsins.

Hreyfum okkur daglega

Reguleg hreyfing stuðlar að bættum svefni. Forðumst þó mikla líkamlega áreynslu rétt fyrir svefn þar sem þá fara örvandi efni út í blóðrásina sem geta tafið fyrir því að við getum sofnað.

Fyrir þá sem greinst hafa með krabbamein er hægt er að nýta sér þjónustu og efni frá Ráðgjafaþjónstu Krabbameinsfélagsins um slökun og hugleiðslu, sjá hér .