Lífsstíll og eggjastokka­krabbamein

Samkvæmt nýrri skýrslu frá Alþjóðakrabbameins- rannsóknarsjóðnum sem byggir á yfirferð fjölda rannsókna eru fáir lífsstílsþættir sem tengjast eggjastokka­krabbameini.

Hæð og þyngd

Líkt og fyrir brjóstakrabbamein og legbolskrabbamein þá eru ofþyngd, offita og það að vera hávaxin staðfestir áhættuþættir eggjastokkakrabbameins. Einnig eru vísbendingar um að brjóstagjöf gæti dregið úr líkum á meininu.

Embætti landlæknis gefur ráðleggingar um mataræði, hreyfingu og svefn sem gott er að styðjast við til að stuðla að hæfilegri líkamsþyngd.

Tíðahringur og frjósemi

Eftirtaldir þættir eru taldir auka líkur á eggjastokkakrabbameini:

  • Að byrja á blæðingum fyrir 12 ára aldur
  • Að fara seint í tíðahvörf (eftir 55 ára aldur)
  • Að hafa ekki orðið barnshafandi

Ofangreindir þættir eru verndandi sé þeim öfugt farið þ.e. að byrja seint á blæðingum, fara snemma í tíðahvörf og að hafa orðið barnshafandi. Einnig er getnaðarvarnarpillan talin veita vernd en notkun tíðahvarfahormóna er talin auka líkurnar.

Ættarsaga

Stökkbreyting á BRCA1 og BRCA2 genunum auka líkur á eggjastokkakrabbameini.

Aðrir áhættuþættir eggjastokkakrabbameins

Reykingar auka líkur á eggjastokkakrabbameini.